4 кастрычніка 2018 у межах беларускамоўнага дня ў яслях-садку №4 г.Ганцавічы прайшоў тэматычны дзень «Беларускія народныя гульні».
Хлопчыкі і дзяўчынкі з вялікім задавальненнем спаборнічалі ў спрыту, кемлівасці, ўяўленні і мысленні. Рухомыя гульні выхавальнікі праводзілі ў групе, а таксама на паветры. Дзень прайшоў весела. Палюбіліся малятам гульні: «Ручаёк», «Гарачая бульба», «Сонейка і дожджык», «Гарлачык», «Пярсцёнак», «Сляпец» і інш.
Навучэнне дзяцей дашкольнага ўзросту беларускім народным гульням з'яўляецца не толькі сродкам фізічнага выхавання, але і ў спалучэнні з фальклорам далучае дзяцей да беларускай нацыянальнай культуры.