15 лістапада 2018 года ў ДУА “Яслі-сад №4 г.Ганцавічы” прайшоў беларускамоўны дзень, які надоўга застанецца ў памяці як выхаванцаў так і работнікаў ясляў-сада. Паважаным госцем дашкольнай установы стаў пісьменнік Аляксей Галаскок, член Беларускага саюза пісьменнікаў.
Выхаванцы старэйшай узроставай группы с задавальненнем слухалі вершы і загадкі, напісаныя пісьменнікам, з зацікауленасцю разглядалі фотаздымкі аб яго жыцці.
Аляксей Пятровіч правёў з работнікамі ясляў-сада цікавую і пазнавальную гутарку. Па яго словам «пачынаць ратаваць мову трэба з сям'і і дзяцей». Шмат лірычных, гумарыстычных і сатырычных твораў прачытаў дарослым наш мясцовы пісьменнік.
На прыканцы сустрэчы Аляксей Пятровіч пакінуў запіс у летапісе ўстановы, а таксама — аўтограф у яго кнігах, якія меліся ў дашкольнай установе: “Гаманлівы ручаёк”, “Асенняя бліскавіца”, “З вясёлай торбы”.