Дзень Перамогі — гісторыі нашай дата,
Дзень Перамогі — гэта дзень ветэрана-салдата,
Дзень Перамогі — дзень слёз і смутку свяшчэнны,
Дзень Перамогі — дзень памяці і прабачэння.
7 мая ў ДУА “Любашаўскі яслі-сад – пачатковая школа” прайшоў беларускамоўны дзень, прысвечаны 75-годдзю Перамогі ў Вялікай Айчыннай вайне. Для ўсіх нас Дзень Перамогі мае асаблівае значэнне. Вялікую цану беларусы заплацілі за Перамогу, за права будучых пакаленняў жыць і ствараць. Мы схіляемся перад доблесцю байцоў і партызан, перад самаадданай працай работнікаў тылу, перад укладам усіх, хто наблізіў поспех агульнай справы. Памяць пра подзвіг пераможцаў назаўжды застанецца ў нашых сэрцах.
На працягу тыдня выхавацелі дащкольнай установы расказвалі дзецям, якое значэнне мае Дзень Перамогі ў гісторые нашай краіны, хто такія героі вайны і ветэраны, даведаліся аб гарадах-героях. Кожны дзень ранішняя зарадка пачыналася пад мелодыі ваенных гадоў.
Пад час занятку дзеці пазнаеміліся з подзвігам абаронцаў Брэсцкай крэпасці, Марата Казея і Мікалая Гастэлы. Даведаліся аб трагедыі Хатыні. Выхаванцы чыталі вершы, разлядвалі ілюстрацыі ваенных падзей і тэхнікі, спявалі ваенныя песні. Наведалі вугалок Перамогі “Памятаем. Ганарымся”, дзе пазнаёміліся з сімваламі мірнага жыцця і памяці: Вечны агонь, птушка голуб, галінка яблыневага цвету. З задавальненнем гулялі ў рухомыя гульні “Салют”, “Самалеты”, “Снайперы”, “Разведчыкі”, “Бамбавікі”. Па традыцыі дзеці ўсклалі кветкі да помніка загінуўшым воінам у в.Любашава.
Дзень Перамогі – важнае свята для ўсіх нас.
Дзякуючы Перамозе, наша краіна жыве і квітнее.
Дзень Перамогі - гэта наша памяць, Беларусь памятае!
Г.М.Бруй
Намеснік дырэктара
па асноўнай дзейнасці