Родная мова з’яўляецца значным сродкам засваення дзецьмі культуры свайго народа, фарміравання пачуцця нацыянальнай годнасці. Таму педагагічны калектыў ДУА “Яслі-сад №5 г. Ганцавічы” лічыць правільным і своечасовым ранняе далучэнне дзяцей да беларускай мовы.
8 кастрычніка 2020 года ў дашкольнай установе, у рамках беларускамоўнага дня, праведзены цікавыя заняткі, падарожжа ў прыроду, гульні.
Г.С. Канановіч, выхавальнік дашкольнай установы, якая працуе з дзецьмі старэйшага дашкольнага ўзросту, арганізавала цікавую і змястоўную гутарку на тэму “Пералётныя птушкі”, пасля чаго дзеці, атрыманыя ўражанні адлюстроўвалі у малюнках.
Запамінальнай стала хвілінка паэзіі “Родныя вобразы ў паэтычным слове”, дзе дзеці сярэдняй групы з задавальненнем чыталі вершы В.Віткі “Коця і Каця”, Э. Агняцвет “Зямля з блакітнымі вачамі”, В. Рабкевіч “Едзе восень”, Т. Кляшторнай “Ветлівія словы”.
У ходзе пазнавальна-практычнай дзейнасці з дзецьмі спецыяльнай групы на працягу дня арганізоўваліся беларускія народныя гульні “Шэры кот”, “Грушка”, “Міхасік”, “Чароўнае крэсла” і іншыя.
Бацькам, у рубрыцы “Чытаем разам”, для чытання дзецям у дамашніх умовах прапанаваны беларускія народныя казкі “Муха-пяюха” (для дзяцей 3-4 гады), “Каток – залаты лабок” (для дзяцей 4-5 гадоў), “Лісіца-хітрыца” (для дзяцей 5-6 гадоў) і іншыя.
Ва ўстанове напрацаваны на роднай мове шэраг метадычных матэрыялаў. Напрацоўкі ўкараняюцца педагагічнымі работнікамі ў сумеснай дзейнасці з дзецьмі, што спрыяе вывучаць беларускую мову, прыгожа гаварыць і разумець светапогляд свайго народа.
В.М. Рэбкавец
Намеснік загадчыка
па асноўнай дзейнасці
ДУА “Яслі-сад №5 г. Ганцавічы”