Спрадвеку ганцаўчане шанавалі і паважалі кнігу, жывое і шчырае слова. Ганцавіцкая зямля дала свету шмат выдатных людзей. Гэта край слынных літаратараў, якія нарадзіліся, выраслі і працавалі тут, якія сваёй творчасцю ўнеслі значны ўклад у нацыянальную беларускую літаратуру. Свае вытокі яны бяруць з народных глыбінь, што пачынаюцца з чудзінскіх казачнікаў Данілы Куляша і Дудара, чые казкі ўвайшлі ў залатую скарбонку беларускай фалькларыстыкі.
У Беларусі і далёка за яе межамі добра вядома імя Аляксандра Сержпутоўскага, знакамітага этнографа і фалькларыста.
На Ганцаўшчыне пачыналася працоўная і творчая дзейнасць класіка беларускай літаратуры Якуба Коласа, які напачатку XX стагоддзя настаўнічаў у вёсцы Люсіна.
І нездарма літаратурна – этнаграфічны музей імя Якуба Коласа ДУА “Люсінскі д/с – СШ імя Я.Коласа” стаў месцам правядзення раённага фестывалю-конкурсу аматарскага дзіцяча-юнацкага тэатральнага мастацтва “Тэатральны прыстанак”(намінацыя “Мастацкае слова”), які прайшоў 8 красавіка 2017 года. У конкурсе прынялі ўдзел вучні і навучэнцы ўстаноў агульнай сярэдняй і дадатковай адукацыі раёна. З вуснаў канкурсантаў прагучалі паэтычныя творы паэтаў Ганцаўшчыны: Міхася Рудкоўскага, Віктара Гардзея, Алеся Каско, Уладзіміра Марука, Міколы Купрэева, Аляксея Галаскока, Ніны Кавальчук, Ніны Таўтын.
Пераможцы конкусу ў намінацыі “Мастацкае слова”:
6-10 гадоў
1 месца – Пакумейка Іван, вучань 4 класа ДУА “Круговіцкая СШ”
2 месца – Гардзей Ягор, вучань 4 класа ДУА “Круговіцкая СШ”
3 месца – Жалезны Арцём, вучань 3 класа ДУА “Люсінскі д/с – СШ імя Я. Коласа”
11-14 гадоў
1 месца – Гарадзецкая Віялета, навучэнка ДУА “Ганцавіцкі РЦДЮТ”
2 месца – Шкут Юлія, вучаніца 8 класа ДУА “Гімназія г.Ганцавічы”
3 месца – Чыркун Варвара, вучаніца 8 класа ДУА “Агарэвіцкая СШ”
15-17 гадоў
1 месца – Кахавец Марта, вучаніца 10 класа ДУА “СШ № 3 г.Ганцавічы”
1 месца – Кісялевіч Павел, вучань 11 класа ДУА “Раздзялавіцкая СШ”
2 месца – Лятко Аліна, вучаніца 10 класа ДУА “Гімназія г.Ганцавічы”
3 месца – Магдысюк Анастасія, вучаніца 9 класа ДУА “СШ № 3 г.Ганцавічы”
Віншуем пераможцаў!
Табала Н.У.,
метадыст ДВМУ “Ганцавіцкі РВМК”