Лета прыносіць шмат новага, цікавага і карыснага. Займальны занятак «Традыцыйныя рамёствы: пляценне» прайшоў у музеі Якуба Коласа. Удзельнікі даведаліся, якія вырабы плялі сяляне і з чаго, паспрабавалі абуваць лапці, прымяралі капялюш. Вынікам занятку стала гульня «Складзі пазл». Дзеці выконвалі заданне і атрымлівалі фрагмент выявы прадмета, які потым патрэбна было знайсці ў музеі.