13 кастрычніка напярэдадні Дня маці ва ўстанове адукацыі Любашаўская пачатковая школа прайшоў чарговы беларускамоўны дзень.
У межах занятка па развіцці маўлення і культуры маўленчых зносін выхаванцы разам з лялькай Ганначкай адправіліся ў госці да яе бабулі Ганулі. У весцы Сонечная дзеці дапамагалі бабулі справіцца з рознымі гаспадарчымі справамі, а таксама з карысцю адпачывалі падчас гульняў “Як хто размаўляе”, “Пакармі жывелу”, “Знайдзі пару – маці і дзіцяня”.
Занятак садзейнічаў фарміраванню ў выхаванцаў навыкаў станоўчых адносін і цікавасці да беларускай мовы, а таксама пашырэнню іх слоўнага запасу па тэме “Дамашнія жывелы”.
Затым была арганізавана калектыўная творчая справа па вырабе віншавальных паштовак для любых матуль. Выхаванцы не толькі ўлажылі часцінку свайго сэрца ў выраб падарунка, але і даведаліся, з якімі ласкавымі і пяшчотнымі словамі на роднай мове можна звярнуцца да матулі.
Н.Я.Казак, намеснік дырэктара
па асноўнай дзейнасці ДУА “Любашаўская
пачатковая школа“