2 снежня ў ДУА "Яслі-сад № 2 г.Ганцавічы" прайшоў Дзень роднай мовы "Смак беларускай мовы".

Заняткі і гульні, а таксама камунікатыўныя хвілінкі праводзіліся на беларускай мове, што дало магчымасць выхаванцам адчуць яе прыгажосць і мілагучнасць, пазнаеміцца з новымі мастацкімі творамі, знакамітымі людзьмі.

Выхавальнік Мелехавец В.М. разам з дзяцьмі гутарылі пра народныя рамёствы. Асаблівую ўвагу надалі вышыванню. Дашкольнікі атрымалі магчымасць разгледзяць розныя рэчы, вышытыя рукамі сваіх бабуль.

Выхаванцы сярэдняй групы разам з Савеня К.М. чыталі мастацкія творы на беларуская мове, разглядвалі ілюстрацыі да іх, якія выканала беларуская мастачка Алена Лось.

Краўчук І.М. правяла занятак "Горад наш родны", у якім замацоўваліся ўяўленні аб геаграфічным размяшчэнні Беларусі і роднага горада. Разглядаючы карту Ганцавіч, дзеці адзначалі на ёй знаёмыя мясціны: парк, дзіцячы садок, бальніцу, вакзал. 

С.А.Амірава, загадчык

ДУА "Яслі-сад № 2 г. Ганцавічы"